- Chantun e Confederaziun pudessan surpigliar fin a 90% dals custs d'ina dischlocaziun preventiva da Brinzauls. Quai ha la cussegliera guvernativa Carmelia Maissen ditg a chaschun d'in inscunter cun la populaziun da Brinzauls.
- Cun novs meds han ins pudì datar la bova da Flem. Uschia haja la pli gronda bova da las Alps gì lieu avant 9'493 ± 2 onns, scriva il Patrimoni mundial da la UNESCO Arena tectonica Sardona. Uschia ha cunzunt in tschep dad in ruver gidà al team da perscrutaziun.
- La lescha da chatscha revedida va en vigur il favrer 2025. Quai ha il Cussegl federal communitgà. Il medem vala per l'ordinaziun da chatscha che definescha ils detagls. Cumpareglià cun l'ordinaziun provisorica dals davos dus onns datti intginas midadas. Uschia èsi per exempel pli simpel da sajettar en il futur luffins. Quels na ston numnadamain betg pli esser datiers d'animals da niz per sajettar els. L'experientscha haja mussà ch'ils pitschens na fetschian savens betg part da la chatscha dal triep.
- Alex Fiva ha gudagnà l'emprima cursa da la cuppa mundiala dapi trais onns. El ha fatg il medem temps sco l'Austriac Adam Kappacher tar la cursa da skicross a Val Thorons. Igl è la 14avla victoria per il Grischun – en sia 17avla stagiun.
- A Turitg è vegnì tratg la sort per la qualificaziun dal campiunadi mundial da ballape. La Svizra frunta sin la Svezia, la Slovenia ed il Cosovo. Ils gieus da qualificaziun cumenzan il settember 2025. Il campiunadi mundial ha lieu il 2026 en il Canada, Mexico ed ils Stadis Unids da l'America.
La survista dal di:
Themen in diesem Newsticker
- Elecziuns communalas a La Punt Chamues-ch
- Sursaissa Mundaun refusescha da bajegiar da nov la chasa da tir
- Lumnezia quinta cun in minus d'in mez milliun francs
- Apple trametta infurmaziuns faussas en il num da la BBC
- Russia banduna la Siria
- Ulteriura medaglia d'aur per Noè Ponti
- Mediament encunter HIV è il pli impurtant success scientific 2024
- SRF n'ha betg cuntrafatg al cumond d'objectivitad
- Lescha da chatscha revedida a partir dal favrer che vegn
- Cussegl federal na sustegn betg iniziativa per taglia sin ierta
Podcast
RTR – Il di
Ulteriurs audios e podcasts
La survista dal di cun las pli impurtantas novitads per tadlar curt e cumpact.
Abunar
Per pudair abunar quest podcast duvrais Vus ina software cumpatibla cun podcast u ina app. Sche Vossa app n'è betg en la glista sura, lura pudais copiar la feed URL manual en Vossa app da podcast u software.