Siglir tar il cuntegn

Novitads dals 07-10-2024 Patric Berg banduna Flem Laax Falera Management SA anticipadamain

  • Suenter mo in mais sa separa l'organisaziun turistica Flem Laax Falera Management SA da ses mainafatschenta Patric Berg . Pervi da differentas opiniuns areguard la direcziun strategica ed operativa banduna Berg l'interpresa gia durant il temp d'emprova. Ad interim surpiglia il cussegl d'administraziun la direcziun operativa.
  • Las tractativas giudicialas davart la tragedia al Piz Cengalo dal 2017 vegnan ad esser pir l'auter onn. Oriundamain eri planisà ch'ellas sajan la fin da quest onn. Quai è vegnì publitgà oz sin la pagina d'internet da la Dretgira regiunala Malögia.
  • Las tiraduras giuvnas dal Grischun, Martina Herrli, Alicia Beer, Anja Cadalbert e Lea Schmid han gudagnà bronz al final da matsch a Schwadernau (BE) cun la buis sur 50 meters.
  • Il Premi Nobel da medischina 2024 va als dus scienzads americans Victor Ambross e Gary Ruvkun. Els survegnan il premi per avair scuvrì l'uschenumnada «microRNA» e la rolla che quella gioga en la regulaziun da gens.

La survista dal di:

Themen in diesem Newsticker

  • Agid da l’UE per la Bosnia/Erzegovina
  • Mintga mais 22’222 francs
  • Bloccada per la costa en il sid dal Libanon
  • Verds vulan atgna fracziun en il Cussegl grond
  • Tami mo anc 2 onns directur da la naziunala svizra da ballape
  • Incendi en il Partenz
  • Tragedia dal Piz Cengalo vegn il 2025 davant dretgira
  • Flem Laax Falera separa dal mainafatschenta suenter in mais
  • Swissmedic constatescha mancanzas tar ospitals svizzers
  • Beachvolley: Hüberli/Brunner van vias separadas

RTR novitads 06:00++

Artitgels legids il pli savens