- Bleras e blers han ditg «na» a la successiun a Viola Amherd en il Cussegl federal, e quai per differentas raschuns. Curt suenter ch'il temp d'annunzia è scadì ils 3 da favrer ha la partida dal Center alura communitgà, ch'ella haja dus candidats uffizials per il Cussegl federal: Markus Ritter, ch'ha annunzià sia candidatura gia pli daditg, e Martin Pfister.
- Las pendicularas grischunas han gì ina buna emprima mesadad da la stagiun d'enviern – cun in lev plus dad 1% cumpareglià cun avant in onn. En il cumparegl cun la media da 10 onns èn las cifras da giasts schizunt s'augmentadas per bun 22%. La raschun persuenter sajan ils dis da festa plain sulegl e las fitg bunas relaziuns da sport d'enviern en las muntognas, entant ch'i aveva giu la Bassa tschajer'auta. Tenor communicaziun saja sulettamain il schaner stà levet mender che l'onn passà cun in minus da 4,3%. Cun la naiv ch'è crudada l'emna passada guarda la branscha cun optimissem vers la segunda mesadad da la stagiun.
- Il landamma da Tavau Philipp Wilhelm vul en il decurs dal mars 2025 puspè surpigliar ina part da sias incumbensas tar la vischnanca. Quai ha el communitgà sin la pagina d'internet da la vischnanca da Tavau. Dapi l'entschatta december è Wilhelm en tractament staziunar en ina clinica spezialisada pervia d'ina spussada depressiva. Co el scriva vinavant, saja el dentant sin buna via enavos. Actualmain sa baratta Wilhelm mintg'emna cun sia substituta Valérie Favre Accola e cun il chanzlist Michael Straub davart il manaschi. Il favrer veglia Wilhelm augmentar quests barats ed en il decurs dal mars puspè surpigliar las emprimas incumbensas. L'entschatta mars vegnia el ad infurmar davart ils proxims pass. Fin lura saja sia substituta Valérie Favre Accola la persuna da contact per dumondas.
Il di en survista
Themen in diesem Newsticker
- Frantscha: primminister dumogna atras preventiv senza votaziun
- Germania: Merz sa distanziescha da la AfD
- USA – Mexico: nagins dazis per in mais
- Consequenzas da dazis americans per la Svizra
- Cabel donnegià tranter Svezia e Lettonia: nagin act da sabotascha
- Ontario na fa naginas fatschentas pli cun ils Stadis Unids
- Ski alpin: tgi è part dal team event a Saalbach?
- Buna emprima mesadad da stagiun per las pendicularas grischunas
- Il landamma da Tavau, Philipp Wilhelm vul puspè returnar il mars
- Studi mussa cunfins da l’intelligenza artifiziala