- Ils gieus olimpics 2026 en l'Italia muntan er per il Grischun ina gronda sfida da traffic. Cunquai che las concurrenzas da freestyle èn a Livignio, datiers dal cunfin svizzer, pudessi dar chaos da traffic en Engiadina. Il chantun Grischun vul perquai in concept da traffic cha sa basa sin il traffic public e park and ride per ch'i na dettia betg in collaps cun passar il tunnel da Munt la Schera, ha declerà l'inschignier chantunal envers il schurnal regiunal da SRF.
- Als campiunadis mundials da freestyle en l'Engiadin'Ota hai dà la proxima medaglia svizra, quai entras Fanny Smith e Ryan Regez en la cursa da skicross da team.
- Er persvadì han ils passlunghists e las passlunghistas svizras en il sprint da team en la Finlanda. Il duo Valerio Grond e Janik Riebli è sa classà sin rang dus. Las dunnas Nadine Fähndrich ed Anja Weber èn daventadas terzas.
- Er en il biatlon hai dà in podest svizzer – entras Lena Häcki-Gross. Ella è vegnida terza en la cursa da persecuziun da 10 kilometers ad Oslo. Questa cursa è stada l'ultima per Elisa Gasparin che terminescha sia carriera.
- Betg be sin la naiv hai dà success svizzers mabain er en la halla d'atletica leva. La curridra Mujinga Kambunji è vegnida campiunessa mundiala sur 60 meters ed Angelica Moser ha gudagnà bronz en siglir cun l'asta.
Themen in diesem Newsticker
- Berna batta Friburg en la prolungaziun
- Monuments ed edifizis stgirs per l'«earth hour»
- EHC Arosa perda er segunda partida da final
- Ski alpin: culla da cristal per Odermatt e cursas annulladas
- Emmenbrücke: duas persunas mortas ed ina arrestada
- 2. liga regiunala: Valposchiavo gioga pari 2:2
- Il papa po bandunar l'ospital dumengia
- Dazis americans – tge è pussaivel?
- Buna prestaziun da Lena Häcki-Gross en la persecuziun
- Baume-Schneider vul finanziazun durabla da la WHO