Tavau ha approvà la strategia dal spazi d'abitar da la vischnanca ed ha ditg Gea ad in project per emprimas abitaziuns sin il Färbi-Areal. La fatschenta è vegnida approvada cun 1'702 vuschs Gea cunter 529 vuschs Na. La participaziun a la votaziun è stada 35%.
La vischnanca da Tavau vul segirar spazi d’abitar per indigens ed indigenas. La suprastanza – l’uschenumnà «Kleiner Landrat» – ha perquai approvà ina strategia. La finamira centrala è d'avair avunda spazi d'abitar pajabel ch'è adattà per differents basegns. Las analisas da la citad mussan ch'ins stoppia surtut resguardar ils interess da famiglias giuvnas, persunas attempadas e persunas che vivan persuls.
En la votaziun davart la strategia dal spazi d'abitar hab las las autoritads dumandà en in emprim pass per in credit da 13,5 milliuns francs per acquistar immobiglias. Quellas immobiglias duajan mantegnair il spazi d'abitar d'emprima proprietad. Er dumandà han ellas per la cumpetenza da far contracts da dretg da construcziun per quatter parcellas communalas e da desister per part d'incassar in tschains da dretg da construcziun a favur da fits ch'èn economicamain supportabels.
Las duas mesiras per stgaffir spazi d'emprimas abitaziuns
- Quatter areals che sa chatta en la zona da construcziun vegnan sviluppads en accordanza cun ils proprietaris da bains immobigliars tenor las finamiras da la strategia da spazi d'abitar per differents basegns (p.ex. abitar en la vegliadetgna, abitar en la famiglia e.u.v.). Ils quatter areals: engrondiment dal center Guggerbach, territori Färbi, clinica Valbella e center dal Tavau Vitg.
- Mobilisar immobiglias da la vischnanca per acquistar spazi d’abitar: Quatter parcellas en possess da la vischnanca da Tavau vegnan consegnadas en il dretg da construcziun a purtaders d’edifizis d’utilitad publica per stgaffir abitaziuns da locaziun ch’èn economicamain supportablas. Sin duas parcellas en possess da la vischnanca vegnan realisads en il decurs dals proxims dus onns agens projects da construcziun per crear emprimas abitaziuns.
Cun questas duas mesiras procuran sulet enfin l’onn 2032 per radund 425 novas emprimas abitaziuns.
L’areal Färbi
Il svilup da l’areal Färbi è previs en quest connex sco mesira a curta vista per construir in nov spazi d’abitar. En accordanza cun ils princips strategics e planisatorics duai l’areal Färbi vegnir sviluppà cun cleras finamiras grazia a la revisiun parziala. En l’avegnir duain vegnir messas a disposiziun passa 60 novas emprimas abitaziuns sin l'areal.
