Val Poschiavo - Inaugurà l'implant idroelectric renovà a Robbia

Avant passa 100 onns è la chasa da turbinas idroelectricas vegnida construida. Avant dus onns ha cumenzà la renovaziun e sanaziun da questa chasa.

115 milliuns francs per tut il sistem

Il project ha cumpiglià differentas mesiras. Da las trais tschiffadas d’aua ch'èn vegnidas sanadas, da las lingias d’aua da pressiun fin tar las trais novas turbinas idroelectricas che produceschan da nov 120 uras gigawatt electricitad a l’onn. Quai èn 10% dapli forza electrica ch'avant la renovaziun. Er l’edifizi nua che las turbinas èn chasadas ha stuì vegnir renovà ed engrondì. Planisà eran custs da bundant 124 milliuns francs.

Sche ils custs per l'ovra cumpletta rendan vegnan ins a vesair pir en 80-90 onns.

Impressiuns da la festa d'inauguraziun

L’edifizi istoric

S’enclegia ch’ins haja stuì far gronds midaments vi da la substanza dal bajetg. La chasa ha stuì vegnir stgavorgiada cumplettamain. Quai per enchastrar las trais novas turbinas idroelectricas. Il fund istoric ha stuì ceder. Suenter che las installaziuns necessarias èn vegnidas fatgas è il fund vegnì refatg da nov, en il stil da las plattinas veglias. Era la gronda pictura murala da Turo Pedretti è vegnida segirada e renovada durant la construcziun.

Archiv