La notg dals 20 sin ils 21 da settember 2020 è in asen vegnì stgarpà da lufs sin l'alp Durnan sur Andeer. Il lieu, nua che l'animal da niz mort è vegnì chattà, è situà en il territori da chatscha dal triep dal Beverin. Sco quai che l'Uffizi da chatscha e pestga communitgescha sa tractia tar quest stgarpada da l'emprim cas en il chantun Grischun, nua ch'in animal da niz da la famiglia dals chavals è vegnì mazzà d'in u da plirs lufs.
Ch'in asen creschì è vegnì stgarpà ans fa quitads.
L'asen da 32 onns sa chattava sin ina pastira entaifer ina saiv electrica. L'animal mazzà è vegnì maglià fermamain dals lufs.
Ins sentia il squitsch perquai che dapli lufs sajan preschents, di Adrian Arquint, schef da l'uffizi da chatscha. Questa stad haja quai dà dapli stgarps d'animals da niz ed uss anc quest asen che saja vegnì stgarpà.
Per tadlar curt e concis: