Singuls lufs aveva la surveglianza da chatscha gia observà en la regiun. Ch’i sa furmia in triep gia quest onn en la Val d’Alvra, cun gliez n'aveva il manader da l'Uffizi da chatscha e pestga dal Grischun, Adrian Arquint, betg quintà.
Sco emprima ha ina pastura d'alp vis ils lufs pitschens. Il guardiaselvaschina da la regiun ha confermà l'observaziun ed uschia il nov triep da lufs. Il territori ch'il triep vegn ad occupar n’è anc betg enconuschent. Sch'igl è da quintar quest onn cun ulteriurs trieps da lufs en il chantun Grischun, n'ha Adrian Arquint ni savì confermar ni sclauder.