Cun in test d'anticorpuls pon ins chattar ora, sch'ins ha gì corona u betg – perquai ch'il corp producescha quels anticorpuls per cumbatter encunter il virus.
Actualmain fa l'Ospital chantunal dal Grischun blers da quels tests – quai en il rom d'in studi naziunal. Bun 600 Grischunas e Grischuns, tranter 5 e 64 onns èn per quai vegnids testads a moda casuala. Quels duajan lura emplenir ora in questiunari detaglià e laschar analisar lur sang. Cun quellas infurmaziuns vegnan suenter evaluads differents facturs da ristga. Ellas duajan era dar invista en la dumonda quants ch'han gì corona senza s'accorscher quai. Sch'ins vul, survegn ins lura in pèr emnas suenter la prelevaziun da sang il resultad e sa sch'ins ha gì corona durant ils ultims 6-9 mais.
