Ils usits da stgatschar l’enviern èn fitg vegls. Tranter quels è er il tschaiver. Avant onns vegniva sautà ed anc ina giada giudì avant che far la curaisma. Da quai n’èsi betg restà bler. Sulet la Dertgira Nauscha a Mustér è in da quels usits ch’è vegnì reactivà il 1987.
Senza ils tuns da musicas da tschaiver – nagin tschaiver
Las musicas da tschaiver chattan ins en quasi mintga vitg en la Cadi. Sulet en la vischnanca da Medel na datti nagina musica. Ellas èn tuttas vegnidas fundadas tranter ils onns 1985 e 1991. Uschia è sa sviluppà surtut ils onns 90 il tschaiver en la Cadi, cun tils e sairas da tschaiver en mintga vitg.
