Per il solit chattan ins suandantas respostas:
- I saja in vegl usit che derivia anc dals pajauns che stgatschavian l’enviern cun mascras sgrischaivlas e cun rumplanar e far canera cun sgaras.
- Avant ch’il temp da curaisma cumenzia la mesemna da la tschendra, veglian ins anc ina giada far il barlot cun saltar baiver, e mangiar brav.
audio
Tschaiver Cuira – Tgi enconuscha insumma la muntada dal tschaiver?
ord Actualitad dals 24.02.2020.
laschar ir. Durada: 3 minutas 23 Secundas.
Tge di il lexicon istoric da la Svizra?
Il tschaiver na saja betg in usit che derivia dal temps pajanil, scriva l’etnolog Paul Hugger. Emprims mussaments per il tschaiver dateschian dal temp medieval tardiv. Il pled «Fas(t)nacht» muntia la notg avant curaisma ed il pled «carneval» haja la muntada da «carnem levara», pia dustar davent la charn.
Dad ir mascrada saja dentant insumma stà derasà durant il temp d’enviern, per exempel da Son Martin, Son Niclà u da Silvester.
RTR actualitad 07:00