«Uniun Trun Cultura» survegn dal chantun ina contribuziun da 96'500 francs per renovar la «Casa Carigiet». Quels daners ha la regenza concedì. En connex cun questa contribuziun chantunala vegn il bajetg mess sut protecziun da monuments chantunala. La medema summa survegn l'uniun er da la Confederaziun.
Il favrer 2019 ha in incendì destruì per part la chasa. Suenter ina midada da possess duai il bain cultural puspè vegnir renovà e vegnir dovrà sco museum.
