Ils 19 da favrer 2019 è quest object brischà. Uss po l’Uniun Trun Cultura cumprar ella ed ina cumissiun dal fatg vul reconstruir ella.
Gronda sfida
Anc il settember vegn il tetg da protecziun tschentà, ed alura pon las lavurs da rumida cumenzar. Sco l’architect Remo Derungs che fa part da la cumissiun dal fatg di, pon ins duvrar mo pli ils mirs ed il fundament da la chasa.
Quai è ina gronda sfida. Igl è ina situaziun che nus na avain betg mintga di.
Object cun lunga istorgia
Ils emprims plans per reconstruir la chasa èn fatgs. La tgira da monuments dal Grischun ed autras instituziuns sustegnan finanzialmain quest object. I saja impurtant da mantegnair la chasa, di il manader da la tgira da monuments Simon Berger.
Ella furma il maletg dal vitg, ha ina lunga istorgia, è vegnida construida 1769 ed è impurtanta, perquai che la famiglia Carigiet ed ils dus artists èn naschì e creschì si là.
700'000 francs en ina emprima fasa
Sco il manader da la cumissiun dal fatg Thomas Imboden declera, duai la «Casa Carigiet» daventar in center cultural. La finamira è da metter questa chasa, la Casa Desax e l’anteriura fabrica da ponn sut in tetg.
L’idea è da preschentar quests stgazis culturals ad in public naziunal ed internaziunal.
Sco el di enavant stoppian els investir radund 700’000 francs en ina emprima fasa. Ma la reconstrucziun d’in nov bajetg custia alura plirs milliuns francs.
-
Bild 1 von 5Legenda: Remo Derungs (enamez) cun Domenica e Toni Carigiet, co-presidents da Trun Cultura. CLUS AG -
Bild 2 von 5Legenda: Visualisaziun CLUS AG
-
Bild 3 von 5Legenda: Visualisaziun CLUS AG
-
Bild 4 von 5Legenda: Visualisaziun CLUS AG
-
Bild 5 von 5Legenda: Las emprimas lavurs vegnan fatgas CLUS AG