Il territori da skis per uffants ed principants a Valtgeva en Tujetsch survegn nova infrastructura ed ina ustaria. Quai communitgescha la Andermatt-Sedrun Sport SA. Il venderdi hai dà l’emprima badigliada.
La nova ustaria vegn a porscher fin a 90 plazs da seser endadens, ed ulteriurs 150 plazs or en il liber. En tut investescha l’interpresa 2,5 milliuns francs en l’ustaria. Quella remplazza l’ustaria d’iglu d’enfin uss.
Radund 1,5 milliuns francs custan ils novs indrizs d'ennavar. Quels vegnian optimads, schlargiads ed automatisads, scriva la Andermatt-Sedrun Sport SA. Vers l’atun saja previs da cumenzar cun las lavurs.
