Surselva - Uss è ella a fin – la punt sur la Val Mulinaun

7,5 milliuns francs

La punt nova sur la Val Mulinaun è vegnida construida dal 2015 enfin il 2017. Ella è 240 meters lunga ed ha custà 7,5 milliuns francs. L’entir project, pia inclusiv las vias novas fin en ils vitg da Rabius e Sumvitg, haja custà passa 22 milliuns francs, ha Damian Marino da l’Uffizi da construcziun bassa dal Grischun ditg a Radiotelevisiun Svizra Rumantscha.

Uss nagins accidents tar la construcziun...

Ina sfida saja stà da betunar l'artg e da construir la punt persa, declera Damian Marino. El fa dentant ina bilantscha positiva, perquai ch'els n'hajan betg gì accidents. E perquai che l’aura saja stada buna hajan els pudì finir la punt pli baud che previs.

Enfin mez avust hajan els anc da far lavurs da fin e lavurs da segirtad, alura stoppian els amplifitgar la via cun ina platta da 2,4 meters e construir ina via nova fin la chasa en la Val Mulinaun ed ina via nova en il vitget da Runs.

... dentant pli baud blers accidents sin via

Ina dunna che'è creschida si a Runs è Clotilda de Preux-Tgetgel. Uss viva ella en il Vallais. Ella haja plaschair da la punt nova. Dad uffants schevan els mintgatant, pertge ch’ins na possia betg far ina lingia directa tras la Val Mulinaun. Il motiv è che quai haja dà blers accidents en la storta gist sut lur chasa.

RR actualitad 08:00