Legenda:
Vista nà da Surrein sin la nova punt cun artg. In zic pli bass sa chatta il trassè da la Viafier retica.
ANR, Hans Huonder
cuntegn
Surselva - Punt Val Mulinaun vegn surdada al traffic
Sche tut va tenor plan vegn la nova punt sur la Val Mulinaun (tranter Rabius e Sumvitg) surdada ils 9 da zercladur al traffic. Quai rapporta l'agentura da novitads rumantscha ANR. Las proximas emnas vegnan liquidadas las ultimas lavurs vid quest traject da la via chantunala.
Sco quai che l'Uffizi da construcziun bassa ha ditg a l'ANR vegn il traffic lura manà a moda restrenschida sur la punt, per part mo sin in vial. Quai saja necessari pervi da las lavurs finalas che pertutgan er omaduas varts da la punt. Tenor l'uffizi na datti nagina festa d'inauguraziun. Ils custs per la nova punt ch'è vegnida construida ils ultims dus onns muntan a 7,5 milliuns francs.
