L'aviun haja cumenzà ina storta a sanester che saja sa sviluppada ad in sgol da spirala vers engiu. Pauc pli tard saja l'aviun crudà quasi vertical sin terra. Tut las 20 persunas a bord eran mortas. L'aviun era sin via da Locarno a Dübendorf.
Dapli indicaziuns na fa il Servetsch svizzer d’inquisiziun da segirezza SUST betg. Il rapport preliminar cuntegna sulettamain in'orientaziun curta e provisorica davart l'accident. Conclusiuns na tira il servetsch betg. La raschun per la crudada da l'aviun n'è anc betg enconuschenta. L'examinaziun possia anc cuzzar plirs mais.
RR novitads 12:00