-
Bild 1 von 2Legenda: La vischnanca da Laax ha approvà in credit da 16,25 milliuns per nova jugi e bogn cuvert. RTR, Linus Livers -
Bild 2 von 2Legenda: Visualisaziun dal project cun il hostel da wellness. MAD
La sanaziun dal bogn custa 8,2 milliuns, il project cun la jugi «wellnessHostel3000 & Aua Grava» che porscha 160 letgs custa 8 milliuns. Il bogn cuvert vegn renovà cumplettamain e cumplettà cun in spazi da wellness ed in center da fitness.
Hostel duai vegnir avert il 2020
Va tut tenor plan pon las lavurs da construcziun cumenzar l'auter onn. Sin l'entschatta da l'onn da scola 2020/21 duai il bogn lura puspè esser avert. Il hostel duai vegnir avert il november 2020.
Il cumplex dal bogn da Laax ha gia 36 onns e sto vegnir sanà urgentamain. Gia il 2017 aveva la radunanza communala approvà in credit per ina concurrenza da project. Il favrer 2018 aveva la populaziun lura ditg gea al credit da planisaziun da 850'000 francs.
RR novitads 22:00