Il favrer da quest onn ha la vischnanca da Laax preschentà il project «wellnessHostel3000 & Aua Grava». Quel prevesa da sanar il bogn cuvert e la zona da wellness sco er da bajegiar gist dasperas in albiert da giuventetgna. Sco la vischnanca communitgescha sin sia pagina dad internet, vegn la radunanza communala da Laax a decider ils 14 da settember davart in credit da 16,25 milliuns francs per quest project.
