-
Bild 1 von 5Legenda: Il mument è anc tut bandunà tar il Hotel Acla da Fontauna. RTR, Gionduri Maissen -
Bild 2 von 5Legenda: Il mument na datti nagin moviment per il project d'in nov hotel da 4 stailas. RTR, Gionduri Maissen
-
Bild 3 von 5Legenda: Tut bandunà e serrà las storas. RTR, Gionduri Maissen
-
Bild 4 von 5Legenda: Il hotel Acla da Fontauna è dapi il 2001 vids e bandunads. RTR, Gionduri Maissen
-
Bild 5 von 5Legenda: Il hotel aveva la Intersoc affittà blers onns e manà el sco hotel privat. RTR, Gionduri Maissen
Sco la responsabla da Helvetia Nostra, Vera Weber, ha confermà ad RTR, haja ella survegnì avant curt tut las infurmaziuns giavischadas. Els sajan pronts da manar discurs cun ils investiders e quai duai era succeder las proximas emnas, ha ditg Weber. Era ils investiders dal project, la Immo Invest, è il mument en contractivas cun tut las varts, ha confermà il mainaproject Fredy Ganz.
Tuttina na datti nagin moviment
Tuttina era gia previs da cumenzar cun dismetter il bajetg vegl da l'hotel ch’è dapi il 2001 vids. In dals problems è, ch’il bajetg existent cuntegna bler asbest. Las lavurs da construcziun previsas per la primavaira 2019 èn il mument pauc realisticas. Tuttina datti anc speranza che la ruina da l'hotel vegl dals Beltgs pudess vegnir davent a Mustér.
Planisà investiziun da radund 100 milliuns francs
La Immo Invest Partenaris SA da Glattbrugg vul investar ca. 100 milliuns francs. I duai dar in hotel cun 208 chombras, wellness, ina sala da banchet e garaschas. Davostiers datti 6 bajetgs pli pitschens cun 91 abitaziuns (34 administradas, 57 per vender).
RR novitads 17:00