Mustér saja in bun lieu per hotels, surtut en il sectur da 4 stailas, perquai ch’i manchia pernottaziuns. Quai ha il schef da la Immo Invest Partenaris SA Frenk Djordic ditg ad RTR. Il nov hotel saja dentant era ina schanza per l’entira regiun.
150 plazzas
Ina firma da Zug, la HRMP SA, maina il nov hotel. Il president dal cussegl d’administraziun da la HRMP SA Guglielmo Brentel vesa in potenzial a Mustér. La cundiziun saja dentant che tuts collavurian: il Center da sport e cultura, las pendicularas ed era la populaziun.
-
Bild 1 von 7Legenda: Visualisaziun da la nova surbajegiada - l'hotel e las chasas. Maier Hess SA -
Bild 2 von 7Legenda: Visualisaziun da la nova surbajegiada - il foyer da l'hotel. Maier Hess SA.
-
Bild 3 von 7Legenda: Visualisaziun da la nova surbajegiada - la curt cun il lai davos l'hotel. Maier Hess SA
-
Bild 4 von 7Legenda: Robert Cajacob - il president communal da Mustér. RTR, L. Livers
-
Bild 5 von 7Legenda: Franz Hidber è s'engascha blers onns per il hotel Acla da Fontauna. RTR, L. Livers
-
Bild 6 von 7Legenda: Grond interess per l'orientaziun. RTR, L. Livers
-
Bild 7 von 7Legenda: A l'aperitiv. RTR, L. Livers
Renovar il Center da sport e cultura
dapli
En connex cun quest project vul la vischnanca da Mustér renovar il Center da sport e cultura (CSC). Sco il president communal Robert Cajacob di, sajan las investiziuns en in hotel nov ina schanza per in meglier futur. Ed el spera che la populaziun sustegnia era il project dal CSC.
Dapi 2001 è quest anteriur «hotel dals Beltgs» vits. Perquai ch'el cuntegn bler asbest e PCB sto el vegnir spazzà.
Avert 2020/21
Proximamain vulan ils investiders inoltrar la dumonda da bajegiar. Anc quest onn vulan els spazzar il bajetg. Sche tut va tenor plan, pudess ins cumenzar a bajegiar la primavaira 2019. Avrir pudess l'hotel nov lura la stagiun 2020/21.
Ord l'archiv
RR actualitad 08:00