Ina da quellas è la giuvna interprendidra Lara Lone da Versomi. Ella ha preschentà sia idea d’in té fraid cun ervas indigenas cun il num «AuaVeta». E tut tgi che baiva «Aua Veta» fa era dal bun, pertge ina part dals daners van a favur da pussibilitar l’access ad aua sin l’entir mund, di Lara Lone che porta in num or da la regiun da Kashmir, la regiun da conflict tranter l’India ed il Pakistan, nua che la giuvna dunna ha vivì e gì maridà in um indigen.
L’idea per quai product cun in aspect social è naschida communablamain cun ina collega gia il 2019 ed il product è era vegni vendì en ils ospitals da la regiun sco era en la fatschenta «Merz» di Lara Lone. Dentant han las duas dunnas interrut il project per motivs famigliars e da studi ed uss è il temp madir da cuntinuar, di la dunna giuvna. La finamira è uss da chattar in nov distributur sco er che tut las destinaziuns en il Grischun vendian en l’avegnir il té da fraid da Versomi e perquai saja ella qua, di Lara Lone.
La finamira è che «AuaVeta» po vegnir cumprada en tut las destinaziuns dal Grischun.
-
Bild 1 von 4. Tut las participantas ed ils participants da l'inscunter da «start-ups» en il Löwenberg a Schluein. Bildquelle: RTR.
-
Bild 2 von 4. Lara Lone è stada preschenta cun ina maisa a l'inscunter ed ha empruvà da persvader distributurs da ses product. Bildquelle: RTR.
-
Bild 3 von 4. Lara Lone cun «Aua Veta». Bildquelle: RTR.
-
Bild 4 von 4. «Aua Veta» in té da glatsch cun ervas regiunalas e cun in aspect social. Bildquelle: RTR.
Plirs projects cun ina motivaziun sociala
Ultra da «Aua Veta», lavura la fundatura vi da projects culturals per uffants e giuvenils en regiuns da conflict sco era vi da la fatschenta «GAASH» nua ch’ella lascha producir en il Kashmir schlingias ord da launa da paschmina. Lara Lone è motivada da midar la societad e da derasar curaschi per realisar siemis persunals.