La Conferenza dals presidents communals sursilvans ha approvà unanimamain in credit da 4.65 milliuns francs per il nov Center da furmaziun en Surselva. La corporaziun da vischnancas, La Regiun Surselva, è dapi tschintg onns vi da planisar quest nov center da furmaziun che duai remplazzar las localitads actualas en l'Institut s. Giusep a Quinclas. La midada dal lieu tar la staziun da la Viafier retica argumentescha la Regiun Surselva principalmain cun il lieu pli central da la staziun e las renovaziuns che la Regiun Surselva avess stuì finanziar en ils proxims onns sch'ella fiss stada en il lieu actual.
Cun la decisiun d'oz pudain nus far la dumonda tar il Chantun. Uschia che la Regenza ha alura da decider.
Plinavant è planisà da bajegiar ina halla provisorica en il dretg da construcziun sper la scola superiura da Glion. Cunquai che las hallas da la scola da Glion èn gia occupadas fermamain, dovri quella halla supplementara. Il Chantun grischun sa participescha cun 57% dals var 12.7 milliuns francs planisads per l'entir project. La Regenza grischuna decida ils proxims mais davart il project.
![Schulhausareal Ilanz](https://www.rtr.ch/static/cms/images/960w/7814ec.jpg)