La vischnanca da Glion na sa participescha betg a la Rait da sanadad Surselva SA che vul crear las structuras per la collavuraziun da las instituziuns da sanadad. Suenter ch'ils delegads da la corporaziun da vischnancas Sana Surselva n'avevan betg elegì la candidata da Glion sco potenziala commembra per il cussegl administrativ da la nova SA, haja la suprastanza da Glion decidì uschia. Quai ha il president communal da Glion, Marcus Beer ditg ad RTR. Ina participaziun in auter mument, na saja betg exclusa, uschia Beer.
audio
Marcus Beer davart la decisiun
ord RTR Audio dals 26.10.2023.
Maletg: RTR
laschar ir. Durada: 16 Secundas.
Sche nus n'avain betg la pussaivladad da s'engaschar politicamain èsi meglier sch'ins na sa participescha betg.
Cun quella decisiun accumpognia Glion las vischnancas da Schluein e da Laax che na sa participeschan era betg a la rait da sanadad. La nova rait da sanadad duess vegnir fundada quest november.
