La vischnanca da Mustér quinta per ils proxims 10 onns cun investiziuns da passa 23 milliuns francs. Tar quellas tutga er il project grond da sanar il Center Fontauna. Il Cussegl da vischnanca ha prendì per enconuschientscha da la nova planisaziun da finanzas che sa basa sin ils resultats dals quints annuals dals ultims 5 onns. Malgrà che la vischnanca stoppia prender si ulteriur chapital stettian ils debits per abitant però er en il futur supportabels, hai num en la communicaziun da la vischnanca.
Il Cussegl da vischnanca da Mustér ha plinavant approvà in credit da 195'000 francs per sanar la Via da Raveras. Las lavurs da construcziun vegnan il pli baud a cumenzar l'onn 2023.
