Mustér - Chantar retgs – ina tradiziun che viva

Radund 15 scolaras e scolars da la 5avla e 6avla classa da Mustér chantan sco retgs. Els van mintgamai quatter dis en gruppas da tschintg per l’entira vischnanca da chasada a chasada. «Nus dumandain tut ils uffants e quels che vulan pon sa participar», uschia declera Dina Pally ina da las scolastas responsablas. Per ella èsi l’emprima giada ch’ella ha la responsabladad, communabel cun in collega, ma quai era cler ch’ella veglia sa gidar a mantegnair l’usit. Mussar mintgamai las chanzuns fan las scolastas ed ils scolasts da classa uschia che l’organisaziun e per part il transport resta e quai fetschian ins gea gugent, uschia declera la dunna ch’instruescha la quarta classa.

Mintgatant il text fallà

Per ils uffants èsi ina aventura. Uschia vegnan ins en chasadas en l’entira vischnanca e po uschia emprender d’enconuscher ina massa glieud. E las bleras persunas laschan entrar la gruppa da retgs e lura chantan els mintgamai cun plaschair lur chanzun. Cura ch'ins na sa betg pli il text alura saja quai da far il meglier e chantar simplamain la proxima strofa, di in dals buobs che fa retg. E la gronda part da las persunas n’enconuschia betg il text, ma tuttina sajan els stads tar ina persuna pli veglia en stiva che haja anc enconuschì tut il text e da bass era chantà, declera in dals uffants. Ed uschia cuntinuescha il viadi da chasa tar chasa e da chanzun tar chanzun ed il mument vesa quai ora sco l’usit da chantar retgs vegn da sa mantegnair. Ma senza l’agid da las scolastas ed ils scolasts na fiss quai betg pussaivel.