-
Bild 1 von 7. Las reginas en acziun en ina da las chasas da Curaglia. Bildquelle: RTR, Gionduri Maissen.
-
Bild 2 von 7. Era avant ils ischs chantan las reginas lur chanzun. Bildquelle: RTR, Gionduri Maissen.
-
Bild 3 von 7. L'inscripziun tradiziunala vegn fatga sin mintga isch che lascha entrar ils retgs. Bildquelle: RTR, Gionduri Maissen.
-
Bild 4 von 7. L'inscripziun tradiziunala en latin munta «Christus mansionem benedicat». Bildquelle: RTR, Gionduri Maissen.
-
Bild 5 von 7. Da tut las stgalas siadora hai num ir. Bildquelle: RTR, Gionduri Maissen.
-
Bild 6 von 7. Da chasa tar chasa hai num ir e la luna da las giuvnas è fitg buna. Bildquelle: RTR, Gionduri Maissen.
-
Bild 7 von 7. Las set reginas curt avant la partenza per far visita a las chasadas da Curaglia. Bildquelle: RTR, Gionduri Maissen.
Avant dus onns ha la scola primara da Medel serrà las portas. Dapi lu van ils uffants a Mustér a scola. L’usit da chantar da retgs è dentant cun engaschi da blers sa mantegnì, almain per il mument.
Set giuvnas che chantan gugent
Sco l’anteriura scolasta a Curaglia Evelina Giger di, saja ella sa declerada pronta da sa gidar. Ma l’iniziativa da far vinavant cun l’usit saja surtut vegnida da las giuvnas sezzas cun sustegn dals geniturs. Uschia n’haja ella betg pudì dir na cura che las giuvnas han dumandà sch’ella mussia las chanzuns ad ellas.
Speranza che l’usit sa mantegn
Per l’auter onn quinta la scolasta, che dat uss scola en ina autra vischnanca en Surselva, che las giuvnas vegnan anc ina giada a chantar en la medema furmaziun. Alura vegnian ins anc a pudair cuntinuar cun ina gruppa pli pitschna. Ma silsuenter vesi quai ora mender, pertge ils uffants manchian en la val.
Agid da la scola Mustér
Sco Evelina Giger di saja la scola da Mustér gia sa drizzada l’onn passà ad ella ed haja dumandà sch’ella pudessi chantar en cun las mattas. Alura sajan quellas vegnidas dad ellas anora per l’agid ed uschè ditg che quai constettia vegnia ella a cuntinuar. Era haja ella cumplaina chapientscha ch'il usit stettia er a Mustér sin chommas falombras, pertge ils retgs a Mustér cumenzan gia la gievgia a chantar e termineschan lur tur la dumengia e sche la val Medel vegniss vidlonder alura duvrassi probabel dapli che las trais actualas gruppas da retgs a Mustér.
RTR actualitad 11:00