Il linguist e lexicograf Alexi Decurtins è mort. Quai ha confermà sia famiglia envers RTR. Decurtins ha pudì festivar il november passà ses 100avel anniversari. El è stà ina gronda persunalitad en la Rumantschia. Tranter auter ha el creà il Vocabulari sursilvan, è stà onns a la lunga chauredactur dal Dicziunari Rumantsch Grischun. Il 1991 è Decurtins vegnì undrà cun il premi da cultura dal Grischun.
-
Bild 1 von 4Legenda: El ha rimnà sia entira vita cudeschs rumantschs. RTR -
Bild 2 von 4Legenda: Il stgazi da cudeschs da sia biblioteca è enorm. RTR
-
Bild 3 von 4Legenda: Tge capita in di cun tut ses cudeschs, questa dumonda fatschenta l'um da 100 onns il pli fitg. RTR
-
Bild 4 von 4Legenda: En ses biro ha el perscrutà e scrit numerus vocabularis e dicziunaris. RTR
Alexi Decurtins è probablamain enconuschent a tut las persunas ch’han gì da scriver in text per sursilvan. Ses dicziunaris vegnan duvrads savens u en furma tradiziunala sco cudesch, ma er en sia versiun online .
Cun quasi 90 onns ha Alexi Decurtins pudì edir ses cudesch che vala sco sia ierta professiunala. Il «Lexicon Romontsch Cumparativ» è in cudesch d’in pais da quasi trais kilos e da passa 1'400 paginas.
Or da l'archiv: