Inclusiun - Ensemen unics – a Trun

A Trun sa chatta l’instituziun per persunas cun impediments en la part sura da la Surselva. En tut lavuran radund 150 persunas per las cussadentas ed ils cussadents. La gronda part lavura en la tgira da las persunas creschidas ed en las spartas da scola. Quellas èn per part a Castrisch e per part a Trun. Dapi il 2021 porscha la «Casa Depuoz» ina scolina ch’ha cumenzà en l’emprim onn cun quatter scolarets.

Scolaziun e sviluppar independenza

Era gronda paisa vegn dà a la furmaziun, uschia èsi era pussaivel da far emprendissadis en chasa, ma era tar fatschentas externas. Dasper la chasa sur il vitg da Trun porscha la «Casa Depuoz» era pliras gruppas d’abitar, nua che surtut ils giuvenils pon viver ina tscherta independenza e sa sviluppar. Cun l’integraziun da la «Casa Soldanella» vegn en l'avegnir er avert a Sedrun ina segunda chasa per persunas creschidas. L’instituziun datti dapi il 1976 e vala sco center da cumpetenza per scola, scolaziun ed integraziun.

Entupar ils abitants

RTR live da a «Casa Depuoz»

Suenter l'Argo a Surava e la societad Movimento a Samedan emetta RTR oz la terz giada or d'ina chasa per persunas cun impediments. Durant tut il di porscha RTR intervistas, collavuraziuns, films, fotografias e bler dapli.