Cun buna luna èn ils tschintg clients e clientas, Brida Castelberg, Irena Cavelti, Corsin Manetsch, Franz Manetsch e Linus Cagienard vegnì da Glion enfin a Cuira en chasa RTR. Accumpagnads èn els vegnids da Cornelia Mantel, Erika Holenweger e Manuel Lombriser. Ensemen han els, cun instrucziun da collavuraturas da RTR, construì in radio da DAB+.
Eleger la colur preferida
Al cumenzament èsi stà d'eleger ils tocs da laina per il radio. Quels hai dà en pliras colurs: cotschen, blau, verd, nair. Mintgin ha pudì sa servir tenor las preferenzas. Silsuenter èsi stà da cular e struvegiar ensemen la tocca. Adina n'è quai betg ì uschè bain.
Mintgatant scappavan las struvas pitschnas, ma la finala èsi lura bain ì.
-
Bild 1 von 4Legenda: Mintgina e mintgin ha dastgà eleger las colurs dal radio. RTR, Carmen Monn -
Bild 2 von 4Legenda: La collavuratura da marketing Flavia Vincenz ha instruì co bajegiar il radio. RTR, Carmen Monn
-
Bild 3 von 4Legenda: L'emprendista Ella Flepp ha gidà Corsin Manetsch da montar las struvas. RTR, Carmen Monn
-
Bild 4 von 4Legenda: Irena Cavelti ha gia montà bler da sia tecnica. RTR, Carmen Monn
Vinavant vai cun la tecnica e da lezza ha ina clienta gia gì davent dal cumenzament in zichel respect:
Jau n'hai betg uschè gugent tecnica.
Ma in zic tecnica dovri simplamain sch'ins vul ch'il radio funcziunia e ch'ins possia lura era tadlar musica. E dapli schlagher e damain chors e jodel – quai giavischassan ils clients e las clientas era en il program da musica da RTR.
-
Bild 1 von 2Legenda: Linus Cagienard e Manuel Lombriser vi da montar la tecnica dal radio. Erika Holenweger
-
Bild 2 von 2Legenda: Irena Cavelti e Cornelia Mantel emprovan sch'il radio funcziuna. RTR, Carmen Monn
Bunamain finì
Lura na manca betg pli bler enfin ch'il radio è bajegiads cumplettamain. Anc l'antenna, ils buttuns per l’emettur ed il volumen sco era il cabel ston els anc montar e lura – l’entschatta sgari intginas secundas ma silsuenter... musica: la chanzun «Tschicago» da Pascal Gamboni.
-
Bild 1 von 3Legenda: La gruppa da l'Argo ha era visità il studio da Telesguard. RTR, Carmen Monn
-
Bild 2 von 3Legenda: E dastgà experimentar cun il «green screen» dal Minisguard. RTR, Carmen Monn
-
Bild 3 von 3Legenda: Era co il studio da radio funcziuna han els pudì guardar. Erika Holenweger