La sentupada a Glion, organisada dal center per ina cultura da pasch, ha tractà il tema depopulaziun e fusiun. Basa da discussiun ha furmà il toc da teater «Der Dorfladen» scrit da Tim Krohn, sin basa che Roman Weishaupt ha fatg.
1 / 6
Legenda:
Roman Weishaupt e Beat Mazenauer discuteschan sur dal teater «Der Dorfladen».
RTR, Gionduri Maissen
2 / 6
Legenda:
Avant la spassegiada en la curt dal Museum Regiunal da la Surselva.
RTR, Gionduri Maissen
3 / 6
Legenda:
La spassegiada literara ha manà tras la citad da Glion.
RTR, Gionduri Maissen
4 / 6
Legenda:
La spassegiada literara ha manà tras la citad da Glion.
RTR, Gionduri Maissen
5 / 6
Legenda:
Adina puspè hai dà da discutar sur da la cuntrada e dal viver en ina regiun rurala.
RTR, Gionduri Maissen
6 / 6
Legenda:
La fin hai dà in apero e bler da discutar.
RTR, Gionduri Maissen
Las sentupadas en connex cun l’occurrenza «Ilanzer Sommer» en il Museum Regiunal Surselva èn multifaras. Uschia è vegnì discutà per exempel dal luf, mo era da la situaziun en las valladas muntagnardas influenzadas da la depopulaziun e da fusiuns. Il toc ch’è vegnì mussà il 2017 a Cuira ed en auters lieus, tematisescha questa situaziun e vul far visibel las temas che vegnan a la glisch tras in tal pass da fusiun. In exempel saja che persunas hajan laschà prolungar lur charta d’identitad, curt avant la fusiun, per anc pudair mantegnair il lieu da burgais, di Roman Weishaupt, ch'è directur al Teater da la citad da Cuira.
Ilanzer Sommer, cultura da pasch
Las occurrenzas a Glion vulan animar da ponderar sur da fenomens ch’èn datiers ma tuttina ord in’autra vista. I saja impurtant da stgaffir in lieu da sentupada per insumma pudair manar in dialog, manegia Janice Camenisch, dal comité d’organisaziun. Ils resuns sajan fin uss positivs ed ins speria sin gronda participaziun era la sonda saira, a la festa da finiziun.
