Las radund 30 occurrenzas vegnan per l’emprima giada organisadas a Glion sut il num «Ilanzer Sommer». Sco ils organisaturs scrivan en ina communicaziun a las medias, è la finamira da crear in lieu da dialog e sentupada. Uschia vegnan organisads en il Museum regiunal da la Surselva, mintga di inscunters tematics, per exempel glindesdi cun l’anteriura cussegliera federala Eveline Widmer-Schlumpf che vegn a discussiunar cun Lea Suter, sur dal curaschi civil. Er en il Museum regiunal vegnan Leo Tuor e Flurina Badel a sa barattar sur dad exots in dialog inter-grischun, sco era Martin Candinas e Sora Ingrid Grave sur dal luf.
«Summer of Peace»
En il Cinema Sil Plaz vegnan mussads durant l’entira emna films nua ch’il tema pasch stat en il center. Suenter ils films datti discussiuns moderadas e la pussaivladad da s’inscuntrar è era dada, scrivan ils organisaturs. Era duai l’inscunter esser ina plattafurma per ateliers cun differents temas, sco gughegiar da tschertgar dapli il dialog, fin process participativs e la digitalisaziun. Era vegnan organisadas pliras turas, per exempel tras la Ruinaulta u sin il Piz Mundaun.