La mesemna han ils responsabels preschentà la nova ustaria al Lag la Cauma a Flem. Suenter passa in onn da construcziun e suenter che la populaziun da Flem aveva en il vair senn dal pled laschà dar trais propostas per sanar l’ustaria en l'aua – po Flem ussa sa legrar sin l’ustaria sper il lai. Da nov è quella er averta durant la stagiun d’enviern.
In lieu cun istorgia
L’emprima ustaria al Lag la Cauma era vegnida construida l'onn 1835. 190 onns pli tard vegn ussa ina nova ustaria inaugurada. Quai suenter pli che 25 onns da planisaziun. Cumenzà ha il project da sanaziun gia l'onn 1997. Lura cun in project da Valerio Olgiati. A quest project ha la populaziun da Flem ditg Na en la votaziun finala a l’urna. Medem sco l'onn 2004 al project dals architects Jüngling e Hagmann. Ed era il 2019 ha la populaziun ditg Na ad in project da l'architecta Corinna Menn.
La survista dal di cun las pli impurtantas novitads per tadlar curt e cumpact.
Per pudair abunar quest podcast duvrais Vus ina software cumpatibla cun podcast u ina app. Sche Vossa app n'è betg en la glista sura, lura pudais copiar la feed URL manual en Vossa app da podcast u software.
L'onn 2022 han ils responsabels da la vischnanca preschentà a la populaziun in project surlavurà da l'architecta Corinna Menn. Questa giada ha la populaziun laschà persvader. Ella ha la finala ditg cleramain Gea a l’urna, da stgarpar giu l’ustaria veglia e da construir ina nova. Custà ha il nov bajetg 7,4 milliuns francs.
-
Bild 1 von 11Legenda: L'istorgia ha cumenzà il 1835 cun in emprim bogn. Vischnanca da Flem -
Bild 2 von 11Legenda: Pli tard hai lura dà in restaurant sin l'insla. Vischnanca da Flem
-
Bild 3 von 11Legenda: Il grond bogn e lura vegnì fatg il 1906. Vischnanca da Flem
-
Bild 4 von 11Legenda: Per remplazzar l'ustaria ch'è vegnì bajegià ils onns 70 hai duvrà blera pazienza. Vischnanca da Flem
-
Bild 5 von 11Legenda: Enturn ils onns 2000 èn vegnids discutads projects da Valerio Olgiati ch'il suveran ha la fin finala dentant refusà. Vischnanca da Flem
-
Bild 6 von 11Legenda: Pli tard hai dà projects da Dieter Jüngling ed Andreas Hagmann, dentant er da lez n'ha il suveran vulì savair nagut. Vischnanca da Flem
-
Bild 7 von 11Legenda: Avant 6 onns ha il project da l'architecta Corinna Menn gudagnà la concurrenza per ina nova ustaria. Er a quel ha il suveran l'emprim ditg Na. Vischnanca da Flem
-
Bild 8 von 11Legenda: Suenter avair midà intgins puncts critics or da la populaziun, ha il project finalmain survegnì glisch verda per il bajetg ch'ha custà 7,4 milliuns francs. RTR
-
Bild 9 von 11Legenda: RTR
-
Bild 10 von 11Legenda: RTR
-
Bild 11 von 11Legenda: RTR
Betg mo in bajetg nov
Da nov è l’ustaria al Lag la Cauma era averta durant l'enviern. Il bajetg nov porscha en il plaunterren in'ustaria ch'è averta sulettamain durant la stagiun da stad e da far bogn. En l'emprima auzada datti in'ulteriura ustaria ch'è accessibla l'entir onn. La construcziun da la nova ustaria po vegnir terminada gist ad uras per l'entschatta da la stagiun d’enviern. Ella duai daventar in nov lieu da sentupada per osps ed indigens che van pli gugent a pe che sin skis.