Il Lag la Cauma survegn sia nova ustaria. A la votaziun a l'urna dals 12 da zercladur, ha er il suveran da la vischnanca da Flem approvà il project per la nova ustaria al lai cun 643 vuschs Gea e 184 vuschs Na. Quai trais onns suenter che la davosa emprova aveva fatg naufragi l'onn 2019. Uschia ha la suprastanza communala infurmà mez matg la populaziun a chaschun da la radunanza communala davart il nov project e co quel duai vesair ora.
Project vegl – en in nov vestgì
Il project da Corinna Menn, ch’aveva gudagnà la concurrenza d'architectura avant trais onns, è vegnì adattà. Da nov duai il nov bajetg survegnir duas ustarias independentas ina da l’autra. Ina per ils giasts che vegnan a far bogn e ston pajar entrada e l'autra per quels che van a viandar u cun velo sin las sendas. Previs è ch'ina da las ustarias resta er averta durant la stagiun d’enviern. Ils custs per realisar l’ustaria muntan ussa a 7,4 milliuns francs. Quai è prest in milliun dapli che tar la davosa proposta.
-
Bild 1 von 3Legenda: Gia pliras giadas han ils da Flem vuschà areguard in nov restaurant al Lai la Cauma – tuttas giadas hai dà in Na dal suveran. Keystone -
Bild 2 von 3Legenda: Keystone
-
Bild 3 von 3Legenda: Il Lai la Cauma tutga tar in dals pli enconuschents lais da la Svizra. Keystone
Gia differentas emprovas han fatg naufragi
Betg be il 2019 aveva l'emprova per ina nova ustaria fatg naufragi, era ils onns 1997 e 2003 avevan las suprastanzas da Flem proponì da remplazzar l'ustaria al Lag la Cauma. Ils 21 d'october 2019 aveva la vischnanca preschentà a la populaziun in terz project per remplazzar l'ustaria a l'ur dal Lag la Cauma. Il Telesguard aveva rapportà da lez temp.