Il Lag la Cauma cun sia aua verd blaua è popular internaziunalmain ed uschia in lieu nua che fitg blers giasts van a sa rinfrestgar e star a sulegl. Per pudair far quai la stad ston ins perquai pajar ina entrada – il lai vegn numnadamain surveglià da plirs guardiabogn. E quels e quellas han era avunda da far durant in bel di da stad.
Quai che fa spezialmain bel la lavur sco guardiabogn ad in lai è era quai che fa las sfidas ch'i na dess betg en in bogn avert.
Mario Sonderegger è in da trais guardiabogn ch'è en acziun oz. I dat dus posts nua ch'els èn staziunads ed ina persuna è adina en viadi sin in «stand up paddle», ina aissa nua ch'ins stat dretg si ed ins rembla. Uschia han els uschè bain sco pussaivel en vista tut il lai e savessan agir optimal en in cas urgent.
Situaziuns criticas datti mintgatant ina fin duas giadas per di e mintgatant ina giada l'emna.
-
Bild 1 von 4Legenda: RTR -
Bild 2 von 4Legenda: RTR
-
Bild 3 von 4Legenda: RTR
-
Bild 4 von 4Legenda: RTR
Tips da la Societad svizra da salvament SLRG
Tenor il pledader da la Societad svizra da salvament na sajan quest onn anc betg capitads uschè blers accidents sco ils davos onns. Tge che sa mussa dentant, saja ch'umens giuvens tranter 18 e 30 onns sajan pli savens victimas da najar.
Ils blers accidents capitan perquai ch'ins sutstima ils privels ed ins surstima las atgnas capacitads.
Perquai saja fitg impurtant da resguardar las reglas cha la SLRG ha mess ensemen per nudar. Sco che Christoph Merki di, sa laschassan ils blers accidents impedir, sche tuts e tuttas sa tegnessan vi da questas reglas: