A partir dal prim da matg enfin ils 15 da settember pon las pestgadras ed ils pestgaders bagnar lur verms en flums ed auals ed enfin ils 31 d'october en ils lais dal chantun.
RTR live a pestga cun Roland Tomaschett
Roland Tomaschett è il survegliader da pestga ch'è responsabel per l'intschess dal Rain Anteriur. Ses gir da controlla ha cumenzà tar il lai a Tavanasa. Carmen Monn ha dastgà accumpagnar Roland Tomaschett l'emprim di da pestga.
-
Bild 1 von 2. Bildquelle: RTR.
-
Bild 2 von 2. Bildquelle: RTR.
-
Bild 1 von 2. Bildquelle: RTR.
-
Bild 2 von 2. Bildquelle: RTR.
Roland Tomaschett è dapi 19 onns guardiapestga e sa exact sin tge ch'el sto guardar. Per exempel ch'i vegn pestgà cun las endretgas mustgas – ellas na dastgan betg avair cuntercrutsch – ch'ils peschs han l'endretga grondezza e che mintgina pestgader e pestgadra porta cun el la patenta.
Impressiuns da l'emprim di da pestga a Tavanasa
-
Bild 1 von 7. Las patentas da pestga vegnan controlladas. Bildquelle: RTR.
-
Bild 2 von 7. Roland Tomaschett è en ses element l'emprim di da pestga. Bildquelle: RTR.
-
Bild 3 von 7. Quels pestgaders han gia gì grond cletg baud la damaun. Bildquelle: RTR.
-
Bild 4 von 7. Quai mussan els lur preda a Roland Tomaschett. Bildquelle: RTR.
-
Bild 5 von 7. Blers peschs èn vegnids pigliads l'emprim di da pestga. Bildquelle: RTR.
-
Bild 6 von 7. Bildquelle: RTR.
-
Bild 7 von 7. Bildquelle: RTR.
Er al lai da Breil vegn puspè pestgà cun grond plaschair. Là ha Gion Cahannes da Dardin gia gì cletg e pestgà dus bels peschs. El va gia dapi 40 onns a pestga e mangia era gugent la preda.
-
Bild 1 von 4. Er en l'Engiadin'Ota ha la stagiun da pestga cumenzà. Qua la preda da Nele Stenz e Fadri Wehrli. Bildquelle: Fadri Wehrli.
-
Bild 2 von 4. Pestgar è in hobi che para da fascinar grond.... Bildquelle: RTR.
-
Bild 3 von 4. ... e pitschen. Bildquelle: RTR.
-
Bild 4 von 4. En il lai da Breil pon ins pestgar peschs davent da 28cm ensi. Bildquelle: RTR.
La litgiva d'aual vegn pestgada il pli savens
En noss chantun sa chattan 34 sorts da peschs. La mesadad da questas spezias vegn dentant avant be darar u en moda pauschala en ils 200 lais e 1'700 kilometers flums ed auals grischuns. Il pli savens vegn la litgiva d'aual pestgada.
