La situaziun da pestgar è en Engiadina Bassa buna, quai tenor il president da la societad Rino Regensburger, quai grazia a mesiras ch’èn vegnidas realisadas ils davos onns. Ma tuttina, el constatescha ina clera diminuziun da pestgadras e pestgaders ils davos onns. Las leschas da pestgar èn vegnidas bainquant pli strictas.
Ins tschiffa damain peschs, ma causa las mesiras tschiffan ins pli bels peschs e lura han ins dapli gust. Igl n'è betg pli sco da pli baud quant peschs ch’ins vegn da tschiffar, ozendi vala la qualitad, uschia ha ditg il president giuven da la societad Rino Regensburger.
Las sfidas da l’avegnir per la pestga èn segir las malauras en las vals lateralas ma era la situaziun da l’aua restanta causa la producziun da forza electrica. Plinavant ston ins era procurar cun mesiras adequatas d’avair ina varietad ed avunda peschs en il flum.
En occasiun dal giubileum 100 onns societad da pestgaders Engiadina Bassa, ha lieu ils 23 da mars la delegada da pestgaders grischuna a Scuol. Suenter la radunanza ordinaria dastgan tuts festivar il giubileum radund da 100 onns.