Da nov pon ils purs grischuns decider sez, cun tge raz da chauns da protecziun ch’els vulan proteger las muntaneras. Il chantun Grischun sustegn ils purs en lur stentas cun ir in'autra via che la Confederaziun.
Grischun spezial
Cun questa decisiun dal chantun pon ils purs grischuns uss pertgirar lur muntaneras cun tge raz da chauns da protecziun ch'els vulan, quai ha Marcus Caduff, il cusseglier guvernativ confermà ad RTR. La Confederaziun lubescha sulet dus raz da chauns per la protecziun da muntaneras, quai che chaschuna adina dapli malaveglia tar ils purs grischuns.
-
Bild 1 von 3Legenda: Dasperas ils dus raz da chauns da protecziun che la confederaziun lubescha, qua ils Montagnes de Pyrenées..... MAD -
Bild 2 von 3Legenda: ... ed ils Maremano Abbruzese..... MAD
-
Bild 3 von 3Legenda: ... datti sco qua il chaun anatol anc radund 30 auters raz da chauns che fissan adattads, ma betg renconuschids da la Confederaziun per proteger muntaneras. MAD
Da nov pon ils purs, suenter consultaziun dal chantun, decider sez tge raz ch'els vulan cumprar. Ils chauns ston sco fin ussa far ina scolaziun ed ademplir in examen per ch'els vegnan renconuschids. En il chantun Grischun datti il mument 11 manaschis cun passa 25 chauns che n'èn betg renconuschids da la Confederaziun. Uss è il chantun vid elavurar in concept, uschia ch'ils manaschis han per l'auter onn dapli pussaivladads d'eleger in chaun da protecziun.
Confederaziun moda convenziunala
Vinavant avert è la via da colavurar cun la Confederaziun e retrair chauns da protecziun sin la via uffiziala. Betg sustegnids da la Confederaziun vegnan manaschis maschadads. La Confederaziun na promova betg manaschis che han sper ils chauns renconuschids chauns d’auters raz betg renconuschids da la Confederaziun.