En in scriver a la cussegliera federala Simonetta Sommaruga recloma la regenza grischuna ch'i na saja betg da chapir che l'Uffizi federal d'ambient desisti d'integrar respectiv da renconuscher ils chauns pasturs en il program naziunal federal per la protecziun da muntaneras.
Razza fitg derasada en il Grischun
Dapi ch'ins haja cumenzà avant 10 onns cun mesiras per proteger las muntaneras d'animals stgarpants collavurian plirs manaschis stretgamain cun il chantun e tut quels tegnian cun success ils chauns pasturs anatols. Almain in 5avel dals manaschis hajan tals chauns. Betg resguardar questa razza avess consequenzas negativas e gravantas, pertge tuts manaschis cun tals chauns pudessan betg pli lavurar vinavant cun lur chauns e vegnissan exclus da la renconuschientscha uffiziala.
RR novitads 10:00