A Flem datti bainbaud abitaziuns pajablas per persunas indigenas. Il biro Caminada Architekten AG da Trin ha gudagnà la concurrenza da project per duas chasas cun total 25 abitaziuns. Lur project cun il num «Flurina & Gion» haja persvadì cun l'architectura locala, l'attractivitad e concernant ils custs, scriva la vischnanca en ina communicaziun.
Suveran votescha davart contract en dretg da construcziun
Sco proxim ha il suveran da decider ils 9 da zercladur davart il contract en dretg da construcziun tranter la vischnanca e l'investura probabla la cassa da pensiun dal chantun Grischun. Il 2025 vul ins cumenzar da bajegiar. Avant in'onn aveva il suveran approvà cleramain da metter ensemen duas parcellas en la regiun Il Stuz a Flem Casa d'uaul per quest project.
