Il 2021 haja la FHGR generà tenor il studi 47,6 milliuns francs per l’economia dal chantun Grischun. Quai munta ad ina cumpart da var 0,5% da la forza economica chantunala. Per mintga franc ch’il chantun ha subvenziunà a la FHGR sa resulta ina valurisaziun da 4,3 francs. En pli porscha la scol’auta er differents impuls per l’economia regiunala – saja entras la cumpra da rauba e servetschs tar manaschis regiunals, u er tar il consum da las studentas ed ils emploiads en il chantun.
Plinavant constatescha il studi che la scol'auta attiria students e studentas d'ordaifer en il Grischun. Il 2021 ha la scola dumbrà 1971 absolventas ed absolvents – 74,5% da quellas abitavan avant il studi en auters chantuns, var 8,5% schizunt en l'exteriur. Da las persunas ch’han absolvì la FHGR resta mintga tschintgavla silsuenter era en il chantun.
Or da l'archiv
La FHGR sa sviluppescha vinavant, planisà è in edifizi da campus per la scol'auta. Quest edifizi vegn dentat pli char che fatg quint oriundamain.
