Pli paucs che fan il bachelor
499 studentas e students han cumenzà in studi da bachelor d'architectura, inschigneria da construcziun, economia da manaschi, Computational and Data Science, Digital Business Management, Digital Supply Chain Management, Information Science, Mobile Robotics, Multimedia Production, Photonics, management da sport e turissem. Quai signifitga in regress da 10% cumpareglià cun l'onn precedent.
Blers che fan il master
Fertant ch'il dumber da quellas e quels che fan in bachelor è ì enavos levet, è quel da persunas che fan il master creschì per 59% cumpareglià cun l'onn avant. La raschun per quest augment sajan surtut novas purschidas. 72 studentas e students èn s'immatriculads per ils trais novs studis da master. Quai èn Sustainable Business Development, Data Visualization ed User Experience Design. Ils dus ultims roms èn unics en Svizra sco purschida da master consecutiva.
