Ils Servetschs psichiatrics dal Grischun PDGR han fatg l'onn passà in minus da 400'000 francs. Quai malgrà d'ina fitg auta dumonda per ils servetschs psichiatrics. Las entradas totalas da la PDGR muntan a 120,1 milliuns francs.
Motiv per il minus sajan per l'ina ils custs pli auts pervi da l'inflaziun, per l'autra il sistem vegl da tariffas che na cuvria betg ils custs da las purschidas, sco il servetsch psichiatric scriva en il rapport annual.
Da nov era terapia en il dachasa
Sin basa da la finamira «ambulant enstagl da staziunar» vegnan las purschidas per in tractament a chasa bajegiadas ora l'onn che vegn en la Surselva ed en l'Engiadina.
Questa purschida duai dar sustegn a persunas che sa chattan en ina crisa acuta en l'ambient usità – tut tenor basegn vegnan las persunas tgiradas ina u pliras giadas per di en l'agen dachasa. Tractaments staziunars en las clinicas duain uschia pudair vegnir reducids u schizunt remplazzads.
