Il quint annual da la vischnanca da Razén terminescha cun in surpli da radund 85'000 francs. Quai scriva la chanzlia communala da la vischnanca. Da quel hajan las persunas preschentas a la radunanza communala prendì enconuschientscha.
En la communicaziun descriva il president communal – Reto Löpfe – la situaziun finanziala sco «tendida». Il cash flow operativ saja bass e la vischnanca saja sfurzada da far investiziuns sulettamain cun chapital d'emprest.
Taxas d'auas sparsas vegnian pli autas
En il futur stoppian abitantas ed abitants spetgar dapli taxas d'ARA. La finanziaziun speziala da quella scrivia – pervi dals auts custs da sanaziuns – stedi cifras cotschnas. A la radunanza communala saja er vegnì infurmà davart gronds donns d'enviern a la via da guaud. Qua vegnia examinà custs da sanaziun e la repartiziun tranter vischnanca e chantun.
