Il servetsch psichiatric dal Grischun vul meglierar il provediment d'urgenza psichiatric. Quai duai reussir cun ina nova purschida en la regiun da la Val Rain e da la Tumleastga durant las fin d'emnas ed ils firads. Davent da l'avrigl metta il servetsch numnadamain a disposiziun tractament e tgira da pazients cun crisas acutas tar els a chasa. In medi ed ina persuna da tgira diplomada fan part dal team.
Il project da pilot duai dentant betg mo meglierar la purschida, mabain er reducir il dumber d'ospitalisaziuns psichiatricas.
Project da pilot
Avrir la boxSerrar la box
Il project da pilot cuzza dus onns e duai servir al servetsch per rimnar experientschas, quant dumandada che l'offerta e ed en tge furma e tge lieus ch'i faschess senn d'integrar la purschida.