A Tavau èsi da quintar cun impediments da traffic enfin sonda, ils 13 da schaner. Quai pervi da preparativas per il Forum mundial d'economia. Quel cumenza ils 15 da schaner e cuzza enfin ils 19 da schaner 2024.
La Polizia chantunala annunzia, che las preparativas marschian en l'emprima emna dal schaner cunzunt en il conturn dal vitg, en la segunda en il center.
Legenda:
Persunas al forum mundial d'econnomia ils 18 da schaner 2023.
Keystone
Il program dal forum prevesa «quatter prioritads tematicas» tenor la pagina d'internet uffiziala:
- «Accumplir segirtad e cooperaziun en in mund sfess»
- «Stgaffir creschientscha ed occupaziun en ina nova era»
- «Intelligenza artifiziala sco forza che promova l'economia e stimulescha la societad»
- «Ina strategia a lunga vista per clima, natira ed energia»
