La regenza ha stgaffì la basa giuridica per in'eventuala introducziun dad e-voting en il chantun Grischun. Ella ha mess en vigur per l’entschatta da l’auter onn la revisiun parziala da la Lescha davart ils dretgs politics en il chantun. En il rom d'in manaschi d'emprova vul il Grischun pussibilitar a partir da l'auter onn la votaziun electronica en sis vischnancas da pilot. Actualmain vegnan exequidas las lavurs preparatoricas en chaussa.
Ultra da l'admissiun generala da la votaziun electronica sco ulteriur chanal da votaziun cuntegna la revisiun ina procedura d'annunzia per persunas che vulan utilisar il e-voting sco er ina procedura d'annunzia serrada (procedura da propostas) per elecziuns d'autoritads sin plaun chantunal u regiunal en la procedura da maiorz a l'urna.
Or da l'archiv:
