La radunanza communala da Lantsch ha approvà in credit da 400’000 francs per events gronds per ils proxims quatter onns, sco la vischnanca ha communitgà oz. Il credit duai finanziar events ch’èn relevants per il turissem e cunquai sviluppar la regiun da vacanzas.
Plinavant è era vegnì approvà in credit da 48’000 francs per spustar la loipa da passlung. Quella vegn spustada da la palì regiunala en il territori «Clois» a l'ur da questa. Er quest intent èn necessarias intginas adattaziuns dal terren e la runcada da tschertas plantas tranter la senda da viandar e la palì planiva.
Ultra da quai èn vegnì approvà
- La revisiun parziala da la planisaziun locala «Surveglias». Quai per realisar la societad da construcziun Lantsch/Lenz.
- La Lescha davart la protecziun da la populaziun. Fin ussa mancava a la vischnanca ina basa legala che regla l'organisaziun, las incumbensas e las cumpetenzas per la protecziun da la populaziun en situaziuns d'urgenza.
- In credit da 35’000 francs per la prolungaziun d’in trottuar ch’auza la segirtad dals peduns.
