La vischnanca da Lantsch ha gì mesemna radunanza communala. Ils e las da Lantsch han approvà las propostas da la suprastanza, quai scriva la vischnanca en ina communicaziun da medias.
Las tractandas da la radunanza communala èn stadas:
- Credit da 750'000 francs per sanaziun da la fermada da l'auto da posta Vischnanca.
- Credit da 1,7 milliuns francs per la sanaziun da via ed aual La Fola. Davart quest credit decida la fin finala il suveran a l'urna.
- Credit da 340'000 francs per la sanaziun ed engrondiment da la via da funs Voia Crapausa.
- Credit da 48'000 francs per engrondir chasa da scola Quadrin per tegnair quint a l’augment da scolaras e scolars.
- Credit da 166'000 francs per infrasctructura ed IT en la chasa d'administraziun.
- Credit da 30'000 francs per dus sistems d'urgenza Lifetec che la vischnanca piglia a fit per tschintg onns.
- Credit da 810'000 francs per il campiunadi mundial da biathlon 2025. Davart quest credit decida la fin finala il suveran a l'urna.
- Actualisar la cunvegna cun la vischnanca da Vaz per surpigliar las incumbensas dals pumpiers ed augmentar contribuziun als custs sin 50'000 francs ad onn.
- Barat da terren Coia da Parcom e parcadi Sarain per sanar la Via da Parcom.
- Prolungaziun dal contract da dretg da construcziun cun St. Cassian Camp & Gastro ScRL che planisescha differentas renovaziuns.
