Las pendicularas Lai Arosa han gì ina buna stagiun fin uss. I haja cumenzà cun ina buna stad 2022, e l'enviern hai dà 1,28 milliuns osps. Il resultat positiv saja cunzunt d'engraziar als indrizs d'ennavaziun, scrivan las pendicularas.
Investiziuns en il manaschi
Las pendicularas vulan vinavant bajegiar ora. 12 milliuns francs èn tranter auter planisadas per in'inscenaziun da la staziun Rothorn e diversas megliuradas da pistas e vias. E 30 milliuns francs duain ir en il sistem d'ennavaziun ils proxims onns. Il president da la suprastanza Felix Frei di ch'i «na dettia betg alternativas tar nizzegiar ulteriuras ressursas d'aua» e da bajegiar ora il sistem.
Per l'entir onn da fatschenta quintan las pendicularas cun ina svieuta da passa 30 milliuns francs. Las cifras definitivas vegnan dadas enconuschentas l'atun.
